(Julio Ramón Ribeyroh axllasqan)
- Imapitah llank'ankiri, nispan Luder wiraquchata tapuyunku.
- Huh musuh rimaytan sayarichiyta munashani, nispan kutichin.
- Chhaynaqa rimayá wakillantapis.
- Kusa. Nanay, waqipanachanakuy, qispiy . . .
- Chay rimaykunaqa ñan rihsisqaña.
- Riki. Ichaqa manan qankunaqa hamut'ayta yachankichischu, chay rimaykunata,nispan tukupun wiraqucha Luderqa.
- Manchay llakikuymi hap'iwashan, nispan rimarin Luderqa. Musuh llahta kamachikuhsi mana siyaruta pitanchu, mana uxyanchu, mana puxllanchu, mana warmitapis munanchu.
- Chayri imanantah.
- Sinchitapunin mancharikuni santu presidenteh kamachisqan kayta.
- Llakiyniyta sapa kutillan willakuhtiyqa manan runah
llakipayawananpahchu, nispan rimarin Luderqa
. Chay llakikuyniyqa runa masiy wayllusqaymi.
Nuqaqa sut'inchashanin lluy runah kusi puñusqanta
runamasinpa llaki phutiyninpa uhllayusqa puñusqanta.
Ribeyroqa - imaynan wayqichasqan runakuna willakunku hinayá - sinchitapuni pay kikin wayllupakuh, ichaqa manas chaywanpis kusisqachu rixurih. Tukuy imatapis qhawashallahmi chaymi sumahta tukuytapis phuturuh qilqasqanwan ñarah may k'uchupis kanman, pi runapis rixuriman; qhilli, wira taka wisllapis q'uchukuy qhipanta rixurinman chaytapis; wayna sipaspa munanakuyninkupi qhansanakusqankutapis; imaynatas tiyan awiyunpi ch'usah masin chaytapis; imaynatas walayu, qhariman sunqu, waysa runakuna qharita maskhanku Costa Azul machana wasikunapi chaykunatawanpis.
No hay comentarios:
Publicar un comentario